مالیاتی آزادی: یہ کیا ہوتی ہے اور پیسے کے ذریعے آزادی کیسے حاصل کی جائے

مالیاتی آزادی کا مطلب ہوتا ہے اس قدر ذاتی دولت حاصل ہو جانا ہے کہ آپ کو مزید آمدن پیدا کرنے کے لیے زیادہ کام نہ کرنا پڑے۔ کئی لوگوں کا خواب یہ ہے کہ وہ پیسے کی آزادی حاصل کریں تاکہ وہ ناگہانی حالات کا سامنا نہ کریں۔ ایک مالی طور پر آزاد شخص پر کوئی قرض نہیں ہوتا ہے۔ اس کے برعکس، ان کے پاس ہنگامی حالات کا مقابلہ کرنے کے لیے آمدن اور بچتیں موجود ہوتی ہے۔ طویل مدت میں، اقتصادی طور پر آزاد شخص کا مطلب ہوتا ہے کہ اس کی زندگی اس طور آگے بڑھے کہ وہ مستقبل کے حوالے سے پُرامن اور محفوظ محسوس کرے۔

دوسری جانب، مالیاتی آزادی کسی فرد کی اپنی دیکھ بھال کرنے کی صلاحیت کو ظاہر کرتا ہے جسے کسی اور فرد کی مدد کی ضرورت نہ پڑتی ہو۔ یہ اس حالت کو ظاہر کرتا ہے جب آپ کے پاس اتنی بچتیں اور اثاثے ہوں کہ آپ دیگر افراد کی آمدن یا قرض لیے بغیر زندگی کی ضروریات اور اقتصادی مقاصد کو مکمل کر سکیں۔

کوئی فرد مالیاتی آزادی کیسے حاصل کر سکتا ہے؟

مالیاتی آزادی کے حصول میں واضح اہداف کا تعین، موثر طور پر مالیات کا انتظام، اور وقت کے ساتھ دولت کا حصول شامل ہے۔ مالیاتی طور پر خود مختار بننے کے لیے چند اہم حکمت عملیاں یہ ہیں۔

زندگی کے مقاصد مقرر کریں

ہر کوئی معاشی طور پر آزاد ہوجانے کا خواب دیکھتا ہے۔ یہ ایک شاندار خواب ہے۔ تاہم، منصوبہ بندی کے بغیر خواب محض ایک خواہش ہوتا ہے۔ مالیاتی آزادی کی راہ پر جانے کے لیے، کسی فرد کو معاشی اہداف قائم کرنا ہوں گے —جیسے قرض کی ادائیگی یا ریٹائرمنٹ کی تیاری۔ ایسے اہداف انسان کو کوئی کام کرنے کی ترغیب دیتے ہیں۔

ایک اچھا ہدف واضح، قابل پیمائش، قابل حصول ہونا ضروری ہے اور سب سے اہم بات یہ ہے کہ یہ لکھا جانا چاہیے۔ مقاصد اہم ہوتے ہیں کیونکہ وہ افراد کو ترقی کو ٹریک کرنے کی اجازت دیتے ہیں، جو کچھ تمنا اور خود ترغیبی پیدا کرتے ہیں۔

فرض کریں کہ آپ قرض سے آزاد ہونے کا تصور کرتے ہیں، جو ایک اچھا مقصد ہے۔ تاہم، یہ کافی نہ ہے کہ صرف یہ خاکہ بنا لیں کہ کہ آپ کو یہ کیسے کرنا ہے۔ پہلے، آپ کو ایک وقت کی حد مقرر کرنا ہو گی اور لکھنا ہو گا، مثلا 'میں 15 مہینوں میں $10,000 کا قرض چکانا چاہتا ہوں'۔ ایک ہدف قرض کی ادائیگیاں، سرمایہ کاری کے ذریعے بچت، یا ایک اثاثہ کی خریداری پر مشتمل ہو سکتا ہے۔ یہ کہاوت یاد رکھیں، 'بغیر مقصد کے خواب صرف ایک خواہش ہے'

ماہانہ بجٹ بنائیں

آپ کے پیسے کے انتظام کے لیے ایک معقول بجٹ ضروری ہوتا ہے جیسا کہ آپ چاہتے ہوں۔ یہ اس بات کی ضمانت دے گا کہ آپ اپنے تمام بلز ادا کر سکتے ہیں جب کہ اس بات کو بھی یقینی بناتے ہوئے کہ آپ کی سرمایہ کاریاں اور دیگر آزادانہ آمدن ہمیشہ بڑھ رہی ہو۔ بجٹ بنانا آپ کے مقاصد کو واضح کر دے گا اور لمحاتی اخراجات کے خلاف آپ کے عزم کو مضبوط کرے گا، جو اکثر برے قرضوں کا باعث بنتے ہیں۔

بجٹ کو کسی فرد کی آمدنی سے کم ہونا چاہیے جو مالیاتی طور پر ترقی کرنا چاہتا ہو۔ اس سے کسی شخص کو کریڈٹ کارڈز استعمال کرنے اور زیادہ سود والے صارفین کے قرض لینے کے خطرات سے بچنے میں مدد ملے گی، جو کہ دولت بنانے کی اس کی صلاحیت کو محدود کر سکتی ہے۔ نظم و ضبط اور بجٹ کے پابند ہونے سے، آپ اپنی معاشی صحت کی حفاظت کر پائیں گے۔

مالیاتی مسائل پر تعلیم یافتہ رہیں

ریئل اسٹیٹ سے لے کر اسٹاکس، بانڈز، یا شیئرز تک کسی بھی قسم کی سرمایہ کاری کرنے والے افراد کامعاشی خبروں کے حوالے سے اپ ٹو ڈیٹ رہنا ضروری ہے۔ یہ انھیں ضرورت پڑنے پر اپنے سرمایہ کاری کے پورٹ فولیو میں ردوبدل کرنے کے قابل بناتا ہے، جیسے کہ اسٹاک مارکیٹ کی سرمایہ کاری کو کافی نقصان میں جانے سے پہلے کیش آؤٹ کرنا۔ مزید برآں، معاشی طور پر مطلع ہونے کے باعث آپ کو سرمایہ کاری کے نئے مواقع کی شناخت میں مدد مل سکتی ہے۔

جب افراد مالیاتی طور پر خواندہ ہو جاتے ہیں تو، وہ پیسے کے انتظام کے لیے ایک مضبوط، ضروری بنیاد بناتے ہیں۔ اس سے انھیں یہ سیکھنے میں مدد ملتی ہے کہ معاشی چیلنجز جیسے کہ برے قرضوں اور غیر منصوبہ بند اخراجات کے ساتھ نئے مواقع کی تلاش میں کیسے جانا ہے۔ جس قدر جلد کوئی شخص معاشی طور پر تعلیم یافتہ ہو جائے گا، اسی قدر ہی طویل عرصے میں وہ مائل بہ بہتری ہو گا—کیونکہ تعلیم ہی ایک کامیاب مستقبل کی کلید ہوتی ہے۔

خود کار بچتیں کریعیٹ کریں

مالیاتی ماہرین کے مشورے کا ایک مشہور حصہ خود کو مالیاتی کامیابی کے لیے منظم کرتے ہوئے دیگر اخراجات سے قبل اپنے لیے بچت کرنی ہے۔ اپنے آجر کے ریٹائرمنٹ پلان کے لیے سائن اپ کرنا اور مماثل شراکت کو زیادہ سے زیادہ کرنا ایک عمدہ خیال ہے اگر آپ اس کی استطاعت رکھتے ہیں۔

ایک ہی وقت میں، آپ بارہا ڈیپازٹ کروا سکتے ہیں، جسے آپ کا آجر، آپ کے ہنگامی فنڈ میں کرتا ہے، یا آپ اپنے چیکنگ اکاؤنٹ سے اس ڈیپازٹ کو شروع کر سکتے ہیں۔ دوسرا آپشن یہ ہے کہ بروکریج میں خودکار ڈیپازٹ کو انفرادی ریٹائرمنٹ اکاؤنٹ کے طور پر تصور کیا جائے۔

تاہم، یاد رکھیں کہ بچت کے لیے مجوزہ رقم کا انحصار آپ کی منفرد صورت حال پر ہو گا، اور ان بچتوں کی ضرورت صورت حالات اور مقاصد کے لحاظ سے موضوعی ہو سکتی ہے۔

اپنے وسائل سے کم پر گزر بسر کریں

اگرچہ یہ مشکل لگتا ہے، مگر زندگی کے ایک سادہ انداز میں مہارت پانے کے لیے کم سے کم رکھ کر زندگی گزارنے کا ذہن تشکیل دینا اس قدر مشکل نہ ہے۔ اپنے طرز زندگی میں سادگی کو اپنانے سے آپ اطمینان پا سکتے ہیں۔ بہت سے امیر افراد، جیسے وارن بفٹ، اپنی مالی حیثیت سے کم پر گزر بسر کرتے ہیں، جس سے پتہ چلتا ہے کہ ہمارا معاشی رویہ آمدنی کے نتیجے سے زیادہ عادت کا معاملہ ہے۔

جب آپ شعوری طور پر خرچ کرتے ہیں تو، ہو سکتا ہے کہ آپ انتہائی حدود پر نہ رک سکیں، پھر بھی آپ کے چناؤ آپ کے لیے طویل مدتی تحفظ یقینی بناتے ہوئے ایک مستحکم مالیاتی حالت برقرار رکھنے کی اجازت دیتے ہیں۔ پیسے بچانے کے لیے عملی مہارتیں سیکھنا جو مالیاتی تحفظ کو برقرار رکھتے ہوئے غیر ضروری اخراجات کو کم کرنے میں مدد کرتی ہیں۔ اپنے وسائل سے نیچے رہ کر زندگی گزارنے کا مطلب کُل آمدنی کے پیش نظر اپنے اخراجات کو کنٹرول کرنا ہے۔

مثلاً، اس بات کو یقینی بنائیں کہ آپ کا کرایہ آپ کی تنخواہ کا 30% سے زیادہ نہ ہو، بغیر منصوبہ بندی کے خریداری سے بچیں، گھر کے اندر کھانے بنائیں بجائے کہ باہر کھائیں، مقدار کی بجائے معیار کو بائے تاکہ کثرت سے ریداری کم ہو، وغیرہ۔ یہ چھوٹی تبدیلیاں آپ کی اقتصادی بہبود پر ایک بڑا اثر ڈال سکتی ہیں۔

کفایت شعار ہونا محض کم خرچ کرنے اور زیادہ بچت کرنے سے متعلق نہیں ہے؛ اس کا مطلب یہ بھی ہے کہ—ایک ضروری خریداری کے بعد—جو آپ کی ملکیت ہے اس کا خیال رکھیں۔

بالواسطہ آمدنی کے لیے سرمایہ کاری کریں

بالواسطہ آمدنی وہ رقم ہوتی ہے جو آپ بغیر کام کیے کماتے ہیں۔ آپ پراپرٹی کرایہ پر ڈال سکتے ہیں، ڈیویڈنڈ اسٹاکس بائے کر سکتے ہیں، یا اعلیٰ منافع دینے والے بچت اکاؤنٹ میں سرمایہ کاری کر سکتے ہیں۔

بالواسطہ آمدنی کے زیادہ تر طریقے پیشگی سرمایہ کاری کا تقاضا کرتے ہیں، چاہے وہ وقت، پیسہ یا دونوں کی صورت میں ہو۔ تاہم، جب آپ نے ابتدائی سرمایہ کاری مکمل کر لی تو، بالواسطہ آمدنی کئی برسوں تک آپ کے لیے منافع لاتی رہے گی۔ زیادہ تر افراد جو مالی طور پر مستحکم ہیں، ان کے پاس بالواسطہ آمدنی ہوتی ہے۔ بالواسطہ آمدنی کی مثالوں میں ڈیویڈنڈ سرمایہ کاری شامل ہے: ڈیویڈنڈ سرمایہ کار کے طور پر، آپ وہ اسٹاک خریدتے ہیں جو اپنی آمدنی کا کچھ حصہ ڈیویڈنز کے طور پر شئیر ہولڈرز کو ادا کرتے ہیں۔

ڈیویڈنڈ اسٹاک میں سرمایہ کاری بالواسطہ آمدنی کے لئے فائدہ مند آئیڈیا ہوسکتا ہے۔ اپنے اثاثے کے انتخاب کے لیے، آپ کو پیشگی طور پر کچھ تحقیق کرنا ہو گی اور وقتاً فوقتاً نگرانی کرنی ہوگی۔ بس یہی ہے—اس میں کوئی سرگرمی نہیں، کوئی فروخت نہیں۔ آپ کا بروکریج اکاؤنٹ خودکار طور پر آپ کی ڈیویڈنڈز وصول کرتا ہے۔

حتمی خیالات

• کوئی بھی فرد مالیاتی آزادی حاصل کر سکتا ہے اور اپنا مطلوبہ طرز زندگی گزار سکتا ہے۔ مالیاتی خودمختاری کا مطلب ہے کہ آپ کے پاس کافی آمدنی کے سلسلے—یا منافع پیدا کرنے والے اثاثے ہوں—جو کہ آپ کے بنیادی زندگی گزارنے کے اخراجات اور کسی بھی دوسرے صوابدیدی اخراجات کو پورا کر پائیں جو کہ آپ بجٹ میں تخفیف کرنے اور قرضوں کا سہارا لینے کی فکر کیے بغیر کر پائیں۔
• اس بات کا اندازہ لگانے کے لیے کہ آیا آپ نے مالیاتی خود مختاری حاصل کر لی ہے، آپ ایک مکمل بجٹ بنانا چاہیں گے جس میں آپ کے اخراجات کی فہرست ہو، نہ صرف ضروری چیزیں، بلکہ مزید صوابدیدی بھی، جیسے باہر کھانا، خریداری وغیرہ۔
• تمام ذرائع سے حاصل شدہ آمدنی، جیسے سرمایہ کاریاں، کرایہ، اور کسی بھی جز وقتی ملازمتوں کا، اپنے اخراجات کے ساتھ، موازنہ کریں۔ جب آپ کی آمدنی آپ کے اخراجات سے زیادہ ہو جاتی ہے تو، یہ ہو سکتا ہے آپ مالیاتی آزادی حاصل کر چکے ہوں یا اس کے نہایت قریب پہنچ رہے ہوں۔
• یاد رکھیں، پیسے کی آزادی ایک ایسا سفر ہے جس میں استحکام حاصل کرنے میں وقت لگے گا۔ تاہم، اگر آپ چیزوں کی احتیاط سے منصوبہ بندی کرتے ہیں، دانشمندانہ طور پر بچت کرتے ہیں اور سرمایہ کاری کرتے ہیں، اور چند قربانیاں دیتے ہیں تو، آپ مالیاتی خود مختاری حاصل کر سکتے ہیں اور اپنے خوابوں کی زندگی گزار سکتے ہیں۔